क्राइमताज्या बातम्यापश्चिम महाराष्ट्रराज्यसातारा

ढेबेवाडी भागात मधमाशांच्या हल्ल्यात 9 जण जखमी

पाटण | मंदुळकोळे (ता. पाटण) गावाजवळच्या शिवारात आग्या मोहाच्या पोळ्याला धक्का लागल्याने चिडलेल्या मधमाशांनी मेंढरांच्या कळपासह मेंढपाळ कुटुंबीय व काही शेतकऱ्यांवर केलेल्या हल्ल्यात सुमारे 9 जण जखमी झाले. जखमींमध्ये दोन बालकांचाही समावेश आहे. सदरची गुरूवारी (दि. 25) घडली असून मधमाशांनी चावा घ्यायला सुरुवात केल्यानंतर कळपातील अनेक शेळ्या, मेंढ्या सैरावैरा पळाल्याने त्यांचा शोधण्याचे काम रात्रीपर्यंत सुरूच होते.

Manojdada Ghaorpade

याबाबतची घटनास्थळावरून मिळालेली माहिती अशी, कोल्हापूर जिल्ह्यातील मेंढपाळ मेंढरांचे कळप घेवून दोन दिवसांपासून मंद्रुळकोळे गावाजवळ वांग नदी काठावरील शिवारात त्यांचा मुक्काम आहे. आज सकाळी त्याच परिसरात असलेल्या नळ योजनेच्या विहिरीजवळ थांबलेला असताना, कळपाचा अचानक  झाडावरील आग्या मोहाच्या पोळ्याला धक्का लागला. यावेळी मधमाशांनी कळपातील मेंढ्या, तसेच शेळ्यांवर हल्ला चढवला. अचानक झालेल्या हल्ल्याने सर्व जण सैरावैरा धावू लागले. मधमाशांनी चावा घेतल्याने देवेंद्र रानगे, स्वप्नाली रानगे या लहान मुलांसह राधिका रानगे, बाळू यमगर, भैय्या रानगे, विठ्ठल यमगर, सुरेश कोळेकर, तसेच काही स्थानिक शेतकरीही जखमी झाले.

मधमाशांनी चावा घ्यायला सुरुवात केल्यावर कळपातील अनेक शेळ्या, मेंढ्या सैरावैरा पळाल्याने त्यांचा शोध घेण्याचे काम रात्रीपर्यंत सुरूच होते. जवळच शेतात असलेल्या विहिरीत पोहायला गेलेल्या काही जणांनाही मधमाशांनी गाठले होते. मात्र, विहिरीवर मधमाशा घोंघावत असताना पाण्यातच पडून राहिल्याने बचावल्याचे प्रत्यक्षदर्शी बंडा पाटील यांनी सांगितले. कळपातील मेंढरांच्या छोट्या कोकरांना मधमाशांचा चावा सहन न झाल्याने त्यांची स्थिती गंभीर बनली होती. नुकतीच लोकर कापल्याने मोठ्या मेंढरांचीही अवस्था चाव्यामुळे बिकट बनल्याचे दिसून आले. हल्ल्यात जखमी झालेल्या काही जणांवर येथील रुग्णालयात उपचार करण्यात आले.

Tags

Related Articles

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker