कृष्णा नदीपात्रात बुडून 7 वर्षाच्या मुलाचा मृत्यू
कराड | रेठरे बुद्रुक येथील पहिलीत शिकणाऱ्या मुलाचा कृष्णा नदीच्या पात्रात बुडून दुर्दैवी मृत्यू झाल्याची घटना सायंकाळी उशिरा घडली. अफराज तय्यब सुतार (वय- 7) असे मृत्यू झालेल्या मुलाचे नाव आहे.
याबाबत घटनास्थळावरून व पोलिसांकडून मिळालेली माहिती अशी, अफराज हा त्याच्या मित्राबरोबर कृष्णा नदीच्या काठावर विटी दांडूने खेळत होता. अफराज याच्याकडे वाजवायची शिट्टी होती. शिट्टी नदीपात्रात पडल्याने ती काढत असताना अफराजचा पाय घसरला व तो नदीपात्रात पडला. तो पाण्यात बुडालेचे पाहून त्याचे मित्र घाबरले.
मित्रांनी अफराज पडल्याची घटना घरी व शेजाऱ्यांनाही सांगितली. लोकांनी नदीकडे धाव घेतली व पाण्यात बुडालेला अफराजला बाहेर काढून उपचारासाठी खासगी हॉस्पिटल येथे नेले. वैद्यकीय अधिकाऱ्यांनी तो मृत झाल्याचे सांगितले. तालुका पोलिस ठाण्यात झाली असून, हवालदार रोहित पाटील तपास करत आहेत.
