पुढील 15 दिवस ‘हा’ रस्ता बंद : महाबळेश्वर, पोलादपूर, रायगड आणि महाडला निघालात तर थांबा

सातारा। पोलादपूर- महाबळेश्वर (आंबेनळी घाट) रस्ता हा सद्य:स्थितीत सुरक्षिततेच्या दृष्टिकोनातून वाहतुकीकरीता पुढील 15 दिवस पुर्ण बंद करण्याबाबत जिल्हादंडाधिकारी रायगड- अलिबाग यांनी निर्देश दिले आहेत. त्यामुळे आंबेनळी घाट सर्व प्रकारच्या वाहतूकीकरीता पुढील 15 दिवसांकरीता बंद करण्यात आलेला आहे.

याप्रकरणी पाऊस, भुस्खलन, दरड कोसळणे इत्यादी परिस्थितीबाबत वाहतुकीचा दर 15 दिवसांनी सविस्तर आढावा घेतला जाईल. आंबनेळी घाट रस्ता बंद ठेवण्याच्या अनुषंगाने स्वयंस्पष्ट अहवाल दर 15 दिवसांनी पोलीस अधीक्षक कार्यालय रायगड- अलिबाग व उपविभागीय अधिकारी महाड यांनी सादर करण्याच्या सूचना देण्यात आल्या आहेत, असे अपर जिल्हादंडाधिकारी रायगड- अलिबाग संदेश शिर्के यांनी कळविले आहे.

या निर्णयामुळे महाबळेश्वरला फिरायला येणाऱ्या तसेच रायगडला जाणाऱ्या प्रवाशांनी या मार्गावरून प्रवास करू नये. सध्या पावसाचे दिवस असून या भागात निसर्ग पाहण्यासाठी अनेक पर्यटक येत असतात. परंतु त्यांनी या मार्गावरून पुढील 15 दिवस येवू नये, त्यासाठी पर्यायी रस्त्याचा वापर करावा.