BREAKING NEWS : महामार्गावर बस दरीत कोसळली, 7-8 जणांचा मृत्यू
हॅलो न्यूज | जुन्या पुणे-मुंबई महामार्गावर एक खासगी बस दरीत कोसळल्याने भीषण अपघात झाला आहे. पुण्याहून- गोरेगावकडे निघालेल्या झांज पथकाच्या बसचा पहाटे 4 वाजता बोरघाटातील शिंगरोबा मंदिर जवळ अपघात झाला. या अपघातात 7 ते 8 जणांचा जागीच मृत्यू झाला असल्याची प्राथमिक माहिती समोर येत आहे. तर 20 ते 25 जण जखमी झाले आहेत. यातील 16 लोकांना सुखरूप बाहेर काढण्यात पोलीस, अग्निशमन दल आणि स्थानिक ग्रामस्थांना यश आलं आहे.
या घटनेची माहिती मिळताच पोलीस, अग्निशमन दलाचे जवान, स्थानिक ग्रामस्थ, हायकर्स ग्रुप आणि आयआरबीची टीम पोहोचली. या सर्वांनी रेस्क्यू ऑपरेशन युद्ध पातळीवर हाती घेतलं. सर्व जखमींना खोपोली नगरपालिकेच्या रुग्णालयात दाखल करण्यात आलं आहे. आणखी प्रवासी बसमध्ये अडकलेले आहेत. या सर्वांना बाहेर काढण्यासाठी बचाव पथकांकडून युद्धपातळीवर कार्य सुरू आहे.
Maharashtra| 7 people died & more than 25 injured after a bus fell into a ditch in Raigad's Khopoli area. Rescue operations underway: Raigad SP pic.twitter.com/kneqn5M4A5
— ANI (@ANI) April 15, 2023
खासगी बसमधून बाजी प्रभु वादक गट (झांज पथक) गोरेगाव येथील असून पुण्याचा कार्यक्रम संपवून गोरेगाव येथे जात होते, अशी माहिती रायगडचे पोलीस अधिक्षक सोमनाथ घार्गे यांनी दिली. या अपघातामुळे घटनास्थळी मोठी गर्दी झाली असून बचावकार्यही वेगात सुरू आहे.
