सातारा- सज्जनगड एसटी बससमोर बिबट्याचा बछडा : प्रवाशांच्यात उडाला गोंधळ
सातारा | सातारा- सज्जनगड मार्गावर बिबट्याच्या बछडाला अज्ञात वाहनाने धडक दिली. या धडकेत बछडा जखमी झाला. बसच्या समोर बछडा आल्यानंतर प्रवाशांनी मोबाईल कॅमेरात कैद केला आहे. जखमी झालेल्या बिबट्याच्या बछड्याच्या शोधासाठी वनविभागाने रवाना झाले आहे.
सज्जनगड – सातारा बसच्या समोर बछडा आल्याने बसमधील प्रवाशांनी गोंधळ केला. तसेच जखमी बछडा रस्त्यावर व मोकळ्या जागेत फिरताना आढळून आला. जखमी बिबट्याला पाहण्यासाठी वाहन चालकांनी गर्दी केली होती. जखमी बिबट्याची माहिती मिळताच वनविभागाची रेस्क्यू टीम बछड्याला शोधण्यासाठी सज्जनगडला रवाना झाली. बिबट्याला बघून स्थानिक व दुचाकी चालकांच्यात भीतीचे वातावरण दिसून आले.
कराड तालुक्यातील वराडेत 3 बिबट्या
आज पहाटे कराड तालुक्यातील वराडे येथे 3 बिबट्या सीसीटीव्ही कॅमेऱ्यात कैद झाले आहेत. सातारा जिल्ह्यातील डोंगरदऱ्यात बिबट्याचे वास्तव्य वाढताना दिसत असताना गावातही आता बिबट्या आढळू लागले आहे. त्यामुळे लोकांच्यात भीतीचे वातावरण असल्याचे दिसून येत आहे.
