कराड बाजार समितीचे संचालक प्रकाश पाटील यांना मातृशोक

कराड | सुपने (ता. कराड) येथील जेष्ठ महिला श्रीमती मंगल आकाराम पाटील (वय- 87) यांचे वृद्धापकाळाने निधन झाले. त्यांच्या पश्चात मुलगा, मुलगी, सून, दीर – जावा, पुतणे, नातवंडे, परतवंडे असा मोठा परिवार आहे.

सातारा जिल्हा परिषदेचे माजी सदस्य व कराड तालुका खरेदी – विक्री संघाचे माजी अध्यक्ष (कै.) आकाराम (भाऊ) पाटील यांच्या त्या पत्नी तसेच कराड शेती उत्पन्न बाजार समितीचे विद्यमान संचालक प्रकाश पाटील यांच्या त्या मातोश्री होत. रक्षाविसर्जन विधी उद्या शुक्रवारी (दि. 16) सकाळी नऊ वाजता सुपने येथे होणार आहे.

मंगल पाटील या सुपने गावातील सामाजिक, धार्मिक कार्यात सहभागी असत. पाटील कुटुंबियांचा कराड, सातारा, सांगली, कोल्हापूर, सोलापूर व पुणे भागात मोठा परिवार आहे. गुरूवारी सकाळी मंगल पाटील यांच्यावर अंत्यसंस्कार करण्यात आले.