कराड उत्तरेत मनोज पर्वाचा जोरदार झंजावात

कराड :- स्वाभिमानी महिला मंच कराड उत्तरच्या वतीने आयोजित केलेल्या ओगलेवाडी (ता. कराड) येथे झालेल्या मनोजबंध या महिलांच्या समारंभाला ७ हजार हून अधिक महिलांनी उपस्थिती लावली. यावेळी माजी जिल्हा परिषद सदस्य मंगलताई घोरपडे, स्वाभिमानी महिला मंच अध्यक्ष समताताई घोरपडे, राष्ट्रपती पारितोषिक विजेत्या मंगलाताई बनसोडे, भाजपा कराड उत्तर अध्यक्षा सौ. सीमताई घार्गे यांच्यासह हजारो महिलांची उपस्थिती होती.

यावेळी मनोज घोरपडे म्हणाले, कराड उत्तर विधानसभा मतदारसंघात महिलांनी एकजुटीने मोठ्या प्रमाणात दिलेला पाठिंबा हीच विधानसभेच्या विजयाची नांदी ठरेल. महायुतीच्या माध्यमातून महिलांच्यासाठी लाडकी बहिण योजना, ५०% सवलतीत एसटी प्रवास, ३ मोफत सिलेंडर इत्यादीमुळे महिलांच्या मध्ये उत्साहाचे वातावरण आहे. कराड उत्तर विधानसभा मतदारसंघात यावेळी परिवर्तन निश्चित असून या परिवर्तनात मतदार संघातील महिला या आघाडीवर असतील. कराड उत्तर विधानसभा मतदारसंघाचा चेहरा- मोहरा बदलण्यासाठी या परिवर्तनाच्या लढाईत आपलाच विजय निश्चित आहे.

या कार्यक्रमात कराड उत्तर मधील कर्तृत्वान महिलांचा सन्मान करण्यात आला. यावेळी सुजाता उपरे, जयश्री पवार, सुप्रिया वंजारी, अनिता चव्हाण, मेघा चव्हाण, संगीता शिंदे, संगीता भुसारे, शितल शिंदे, सोनाली डुबल, प्रतीभा साखरे, सुषमा पोळ, अर्चना भोसले, सुप्रिया पिसाळ, विजया डुबल, सुनिता डुबल यांच्यासह परिसरातील महिला मोठ्या प्रमाणात उपस्थित होत्या. कार्यक्रमाचे सूत्रसंचालन प्रा. दिपक साबळे यांनी केले. आभार तेजस्विनी घोरपडे यांनी मानले.

राष्ट्रपती पुरस्कार विजेत्या मंगलाताई बनसोडे यांचा सन्मान….

करवडी कराड गावच्या राष्ट्रपती पुरस्कार विजेत्या प्रसिद्ध तमाशासम्राज्ञी मंगलाताई बनसोडे व नितीन बनसोडे यांचा यावेळी विशेष सन्मान करण्यात आला हजारो महिलांच्या विनंतीवरून यावेळी मंगलाताई बनसोडे यांनी आपल्या वयाच्या ७५ व्या वर्षी देखील अनोखा नृत्याविष्कार सादर करून महिलांची मने जिंकली.

महिलांची रेकाॅर्डब्रेक गर्दी

ओगलेवाडी विभागात प्रथमच झालेल्या महिलांच्या कार्यक्रमास रेकाॅर्डब्रेक गर्दी
कराड उत्तर विधानसभा मतदारसंघाची युवा नेते मनोजला घोरपडे यांची या समारंभात जोरदार एन्ट्री होताच हजारो महिलांनी हात उंचावून व जोरदार घोषणाबाजी करून मनोज दादांचे स्वागत केले. यावेळी खास महिलांसाठी आयोजित केलेल्या मनोजबंध कार्यक्रमास महिलांची मोठ्या प्रमाणात गर्दी झाली.