कराड शहर पोलिसांकडून मोटर सायकल चोरट्यास अटक
कराड | शहरातील पोस्ट ऑफिस येथून मोटर सायकलची चोरी करणाऱ्या एका आरोपीस कराड शहर पोलीस ठाण्याच्या गुन्हे प्रकटीकरण विभागाने अटक केली. विजय अकुंश साठे (रा. साजूर, ता. कराड) असे संशयित आरोपीचे नाव आहे.
पोलिसांनी दिलेली माहिती अशी, शहर पोलीस ठाणे हद्दीत मोटर सायकल चोरी रोखने व शोध घेणेकामी गस्त घालत असताना एकजण संशयीतरित्या दैत्य निवारणी मंदीर परिसरात मोटर सायकलवर फिरताना आढळून आला. यावेळी पोलीस उप निरिक्षक आर. एल डांगे यांनी विजय साठे याच्याकडे मोटर सायकल बाबत अधिक चौकशी केली. तेव्हा सदरची मोटार सायकल हि चोरीची असल्याचे चौकशीत निष्पन्न झाले असुन विजय साठे यास अटक करण्यात आली आहे. सदर गुन्ह्याचा अधिक तपास पोलीस हवा. शशि काळे करत आहे.
सदरची कामगिरी पोलीस अधीक्षक समीर शेख, अपर पोलीस अधीक्षक बापु बागंर, उपविभागीय पोलीस अधिकारी कराड विभाग कराड अमोल ठाकुर, वरिष्ठ पोलीस निरीक्षक प्रदीप सूर्यवंशी यांच्या मार्गदर्शनाखाली गुन्हे प्रकटीकरण अधिकारी पोलीस उप निरीक्षक डांगे, सफाै. देसाई, देवकुळे, पोलीस हवा. शशि काळे, पोलीस नाईक संतोष पाडळे, कुलदिप कोळी, पो.शि. महेश शिंदे, आनंदा जाधव, रईस सय्यद, अमोल देशमुख, मुकेश मोरे, दिग्विजय सांडगे, सोनाली पिसाळ यांनी केली.
