Satara News : काँक्रीट मिक्सरची चारचाकी आणि 7 दुचाकी चिरडल्या
सातारा प्रतिनिधी वैभव बोडके
सातारा शहरातील कुबेर विनायक मंदिरा लगत अजिंक्य कॉलनीच्या तीव्र उतारावर काँक्रीट मिक्सर ट्रकचा ब्रेक फेल झाल्याने रस्तालगत पार्किंग केलेल्या कारचा चक्काचूर झाला. तसेच तेथे उभ्या असलेल्या 7 दुचाकी गाडीचेही मोठे नुकसान झाले. सुदैवाने यामध्ये कोणती जीवितहानी झाली नाही. त्यामुळे मोठा अनर्थ टळला. घटनास्थळी लोकांनी अपघातानंतर मोठी गर्दी केली होती.
शहरात भरदिवसा घडलेल्या या प्रकारामुळे लोकांच्यात भीतीचे वातावरण पहायला मिळाले. या अपघातात एका चारचाकीसह एक यामहा सीटी 100, बुलेट आणि एक अॅक्टिवा, अॅक्सेस यासह अन्य मोपेड गाड्याचे नुकसान झाले आहे. घटनास्थळी गाड्याचा अपघात झाल्याचे समजताच सातारा वाहतुक नियंत्रण शाखेचे पोलीस अधिकारी, कर्मचारी यांनी घटनास्थळी जावून पाहणी केली. तसेच गाड्या हटविण्याचे काम सुरू केले आहे.
अपघातात काॅंक्रीट मिक्सरच्या गाडीने झाडाला धडक देवून काही भाग तोडला, तसाच तो झाडाचा काही भाग रस्त्याने अोढत नेला. यामध्ये गाड्याचे मोठे नुकसान झाले तर झाडाचा वरच्या बाजूचा काही भाग चारचाकी पडला. यामध्ये झाडाचा अोंडका अपघाताग्रस्त गाडीमध्ये अडकल्याने पुढील मोठा अनर्थ टळला.
