बैलगाडा मैदान : परश्या व बिरज्या शंभूदाैलत नामदार केसरी चषकाचा मानकरी
कराड | तांबवे (ता. कराड) येथे युवा उद्योजक सचिन पवार यांच्या वाढदिवसानिमित्त आयोजित शंभूदाैलत नामदार केसरी बैलगाडी शर्यतीत बबलू पाटील यांच्या परश्या आणि बिरज्या बैलजोडीने नामदार केसरी चषक पटकावला. दुसा व आदत मैदानात 100 हून अधिक बैलगाड्यांनी सहभाग घेतला. या मैदानाला लोकनेते बाळासाहेब देसाई साखर कारखान्याचे संचालक व युवानेते यशराज देसाई यांनी उपस्थिती लावली.
या बैलगाडी शर्यतीचे उदघाटन युवा उद्योजक सचिन पवार, वेदांत उद्योग समूहाचे नवनाथ पालेकर, युवानेते सुनिल बामणे, हर्षल पाटील, नितीन पवार, नितीन फल्ले यांच्या हस्ते करण्यात आले. मैदान पंच म्हणून शहाजी पवार, संभाजी पवार, युवराज पाटील, संदीप पाटील, विनायक पाटील, उत्तम पाटील विश्वास पाटील यांनी काम पाहिले. झेंडापंच म्हणून सोमनाथ जगदाळे तर समालोचक बबलू देसाई यांनी काम पाहिले.
नामदार केसरी चषकाचे मानकरी पुढीलप्रमाणे ः- पहिला क्रमांक (51 हजार रूपये) – भैरवनाथ प्रसन्न बबलु पाटील (तांबवे), द्वितीय क्रमांक (41 हजार रूपये)- स्वामी समर्थ (वारूंजी), तृतीय क्रमांक (31 हजार रूपये)- कु. वैभवी प्रकाश पवार (दाडोली- आबईचीवाडी), चतुर्थ क्रमांक (21 हजार रूपये)- जोतिर्लिंग प्रसन्न संग्राम पाटील (अोगलेवाडी), पाचवा क्रमांक (11 हजार रूपये)- देवांश अमित पाटील (सुपने), सहावा क्रमांक (7,,777 रूपये) – गारवा ग्रुप निलेश भैय्या (आणे), सातवा क्रमांक (5,555 रूपये)- अंबिका प्रसन्न (बांबवडे), आठवा क्रमांक (3, 333 रूपये) – प्राजु थोरात (चचेगाव)
