बकरी ईदची सार्वजनिक सुट्टी 29 जूनला

मुंबई | राज्य शासनाने यंदाच्या वर्षात शासकीय कार्यालयांना बकरी ईद (ईद- उल-झुआ) या सणासाठी गुरुवार दि. 29 जून 2023 रोजी सार्वजनिक सुटी जाहीर केली आहे. याबाबत सामान्य प्रशासन विभागाने अधिसूचना जारी केली आहे.

राज्य शासनाने सन 2023 मध्ये राज्य शासकीय कार्यालयांना एकूण 24 सार्वजनिक सुट्या अधिसूचित केल्या आहेत. सार्वजनिक सुट्ट्यांमध्ये बकरी ईद (ईद-उल-झुआ) या सणाची सुट्टी बुधवार दि. 28 जून 2023 रोजी दर्शविण्यात आलेली होती. तथापि, बकरी ईद (ईद-उल-झुआ) हा सण गुरुवार दि. 29 जून 2023 रोजी येत आहे.

यापूर्वी बुधवार दि. 28 जून 2023 रोजी जाहीर करण्यात आलेली सार्वजनिक सुट्टी रद्द करण्यात आली आहे. त्याऐवजी आता बकरी ईद (ईद-उल- झुआ) ची सार्वजनिक सुट्टी दि. 29 जून रोजी जाहीर करण्यात आली असल्याचे अधिसूचनेत म्हटले आहे.