कराडला राष्ट्रीय खेळाडू देणारे प्रा. लक्ष्मण दोडमणी PH.D पदवीने सन्मानित

तळमावले (ता. पाटण) येथील प्रा. लक्ष्मण भीमसेन दोडमणी यांना शिवाजी विद्यापीठाने नुकतीच पीएच. डी पदवी देऊन सन्मानित केले. गेली 20 वर्ष श्री. स्वामी विवेकानंद शिक्षण संस्थेच्या विविध महाविद्यालयांमध्ये 200 पेक्षा अधिक राज्यस्तरीय खेळाडू तर 10 राष्ट्रीय खेळाडू घडवणारे प्रा. दोडमणी यांनी “योग प्रशिक्षणाचा बारा ते सोळा वर्षे वयोगटाच्या बालगृहातील विद्यार्थ्यांच्या सामाजिक परिपक्वतेवर होणाऱ्या परिणामांचा अभ्यास” या विषयावर संशोधन करून सदरचा प्रबंध शिवाजी विद्यापीठास सादर केला होता. त्यास मान्यता देऊन विद्यापीठाने त्यांना पीएच.डी पदवीने सन्मानित केले.