शरद पवारांना टोला : उदयनराजे म्हणाले, विश्वासघात आमची परंपरा नाही

सातारा प्रतिनिधी | सकलेन मुलाणी
खासदार उदयनराजे भोसले यांना भाजपने मोठी जबाबदारी दिली. तरी राष्ट्रवादीवर काही परिणाम होणार नाही, असे राष्ट्रवादीचे सर्वेसर्वा शरद पवारांनी साताऱ्यात सांगितले होते. उदयनराजेंनी लोकसभेच्या पोटनिवडणुकीत अनुभवलं आहे, असाही टोला त्यांनी लगावला होता. त्यावर आज खासदार उदयनराजे भोसले यांनी शरद पवारांना एका वाक्यात उत्तर दिलं आहे. पवार साहेब हे वयाने ज्येष्ठ आहेत. त्यांनी मांडलेले विचार योग्यच आहेत. हे मी मान्य करतो. विश्वासघात करण्याची आमची पंरपरा नाही, असे म्हणत उदयनराजे भोसलेंनी शरद पवारांवर निशाणा साधला आहे.

दरम्यान, सातारा जिल्ह्यातील सर्व सुशिक्षित तरुण तरुणींना नोकरीची संधी मिळावी यासाठी महाराष्ट्र शासनाने 21 आणि 22 मे कालावधीत यशोदा टेक्निकल कॅम्पस येथे रोजगार मेळाव्याचे आयोजन करण्यात आले आहे. हा उपक्रम खासदार उदयनराजे भोसले यांच्या पुढाकारातून आयोजित केला गेला असल्याची माहिती आज जलमंदिर पॅलेस येथे देण्यात आली. दरम्यान, ज्येष्ठ नेते शरद पवार यांच्या टीकेवर खासदार उदयनराजे म्हणाले पवार साहेब हे वयाने ज्येष्ठ आहेत. त्यांनी मांडलेले विचार याेग्यच आहेत. मी मान्य करताे. मला स्वत:ला वैयक्तिक असे म्हणायचे आहे विश्वासघात करण्याची आमची पंरपरा नाही. अखेरीस निवडणुकीत काेण काय करते काेण काय करीत नाही हा भाग वेगळा असल्याचेही उदयनराजेंनी नमूद केले.

याचवेळी आमदार शिवेंद्रराजेंवर निशाणा साधताना उदयनराजे भोसले म्हणाले कि, उठसुठ सातारा विकास आघाडीवर टीका करण्यापेक्षा सातारकरांची त्यांनी केलेलं एखाद ठोस काम दाखवून द्यावे. ग्रेड सेपरेटरवर बोट दाखविण्यापेक्षा पोवई नाक्यावरील आधीची अवस्था आटवा आणि तिथं जर तुम्हाला चौपाटी करायची असेल तर तुमचे विचार महान आहेत, असा टोला त्यांनी शिवेंद्रराजेंना लगावला.