जखिणवाडी, नांदलापूर सोसायटीच्या चेअरमनपदी अजित थोरात तर व्हा. चेअरमनपदी तानाजी पाटील बिनविरोध
कराड प्रतिनिधी| विशाल वामनराव पाटील
जखिणवाडी, नांदलापूर विकास सोसायटीच्या चेअरमनपदी अजित थोरात तर व्हाईस चेअरमनपदी तानाजी पाटील यांची बिनविरोध निवड करण्यात आली.
नुकत्याच पार पडलेल्या जखिणवाडी विकास सेवा सोसायटी जखिणवाडी, नांदलापूरच्या पंचवार्षिक निवडणुकीत शेती मित्र अशोकराव थोरात यांचे नेतृत्वाखालील अजित थोरात व पी.जी. पाटील यांचे रयत विकास पॅनलने 13/0 अशी नेत्रदीपक कामगिरी केली. चेअरमन व व्हा. चेअरमन निवडी निवडणूक निर्णय अधिकारी बी. एस. काकडे यांचे मार्गदर्शनाखाली पार पडल्या.
शेती मित्र अशोकराव थोरात म्हणाले, शेतकऱ्यांच्या विकासासाठी नवनिर्वाचित चेअरमन व सर्व संचालक मंडळांनी सदैव सहकार्य करावे. शेतकऱ्यांच्या मुलांना उच्च शिक्षणासाठी अर्थसहाय्य, त्याचबरोबर अल्प दरात शेतीची कामे, कृषी अधिकाऱ्यांचे शेतकऱ्यांना मार्गदर्शनाचे आयोजन करून शासकीय कृषी योजना शेतकऱ्यांपर्यंत पोहोचवण्याचे काम एकमुखी करावे, असे आवाहन केले.
कार्यक्रमास पी. जी. पाटील, पंढरीनाथ पाटील, आनंदराव पाटील, माणिक नलवडे, अजित थोरात, तानाजी पाटील, नाना पवार, रामचंद्र पाटील, लता पाटील (नलवडे ), साधना विटुळे, तुळशीराम शिर्के, आत्माराम बुधे, निवडणूक निर्णय अधिकारी भारत काकडे, आर. एस. सूर्यवंशी, विश्वास निकम, सदस्य, ग्रामस्थ उपस्थित होते.
