Satara News : कोयत्याचा धाक दाखवून हल्ला करणाऱ्या अल्पवयीन मुलासह 5 जण ताब्यात
सातारा | साताऱ्यातील सेनॉर चौकात कोयत्याचा धाक दाखवून चारचाकी फोडून दहशत माजविण्याच्या प्रयत्न करण्यात आला होता. या हल्ला प्रकरणी पाच जणांविरूध्द शाहुपूरी पोलिस ठाण्यात गुन्हा नोंद करण्यात आला असून तक्रारदाराच्या खिशातील 2800/- रु. रोख रक्कम जबरदस्तीने काढुन घेतली होती. या प्रकरणात सौरभ नितीन सपकाळ (वय- 25 वर्षे, रा. रघुनाथपुरा पेठ, करंजे ता. जि. सातारा), ऋतविक धनंजय पंडीत (वय- 21 वर्षे, रा. गडकर आळी कळकाच्या बेटाजवळ शाहुपुरी- सातारा), अक्षय संतोष कदम (वय- 20 वर्षे, रा. 36 करंजे पेठ सातारा), अतिष गौतम राजगुरु (वय- 22 वर्षे, रा. दौलतनगर सातारा) व एक विधी संघर्ष बालक असे पाच जणांना ताब्यात घेण्यात आली आहेत.
याबाबत पोलिसांनी दिलेली माहिती अशी, कोयता नाचवून सेनाॅर चाैकात हल्ला करणारे संशयित म्हसवे येथे वेण्णा नदीच्या परिसरातील शेतात लपुन बसले असल्याची माहिती पोलिसांना मिळाली होती. त्यानुसार म्हसवे येथील वेण्णा नदीच्या परिसरात पाऊस चालु असताना नदीकाठावर परिसरात आरोपींचा सलग सात ते आठ तास उसाचे शेतात व ओढे-नाल्यात शोध घेत असताना, उसाचे शेतात संशयित चार आरोपी बसलेले दिसून आले. त्यांचा चिखलातून पाठलाग करुन तीन आरोपींना पकडण्यात यश आले. त्यापैकी एक आरोपी उसाचे शेतातून पळून गेला. पळुन गेलेल्या एका आरोपीस पिलेश्वरी नगर येथून ताब्यात घेण्यात आले आहे. सदर चारही आरोपींना पोलीस ठाणेस हजर करुन त्यांचेकडे गुन्ह्याचे अनुशंगाने कसून तपास केला असता त्यांनी गुन्हा केल्याचे कबुल केले. सदर आरोपीकडून दहशत माजविण्यासाठी वापरलेला कोयता, लोखंडी पाईप, दोन दुचाकी व 2100 रु. रक्कम असा मुद्देमाल हस्तगत केला आहे.
सदरची कारवाई पोलीस अधीक्षक समीर शेख, अपर पोलीस अधीक्षक बापू बांगर, उपविभागीय पोलीस अधिकारी किरणकुमार सुर्यवंशी, पोलीस निरीक्षक संजय पतंगे यांचे मार्गदर्शनाखाली गुन्हे प्रकटीकरण शाखेचे सहा. पोलीस निरीक्षक प्रशांत बधे, पोहवा. सुरेश घोडके, सचिन माने, पोलीस नाईक निलेश काटकर, महेश बनकर, अभय साबळे, पो. कॉ. सचिन पवार, स्वप्निल सावंत, स्वप्निल पवार, सुमित मोरे यांनी केली आहे.
