सातारा जिल्ह्यात आज आणि उद्या ‘ऑरेंज’, तर रविवारी ‘रेड अलर्ट’

कोयनानगर – कोयना धरण परिसरात पावसाचा जोर वाढला असून गेल्या चोवीस तासात 7 हजार 585 क्युसेस पाण्याची आवक धरणात झाली आहे. कोयना धरणात सध्या 16.3 टीएमसी पाण्याचा साठा आहे.

गेल्या 24 तासात कोयनेत 53 मिलीमीटर, नवजाला 105 मिलीमीटर तर महाबळेश्वरला 158 मिलीमीटर पाऊस पडल्याची नोंद झाली आहे. सातारा जिल्ह्यातील पश्चिम घाट परिसराला आज आणि उद्या आॅरेज अलर्ट दिला आहे. तर रविवारी रेड अलर्ट हवामान खात्याने दिला आहे.

सातारा जिल्ह्यात पूर्वेकडे अजूनही पावसाची प्रतिक्षा आहे. तर पश्चिमेकडे पाऊस पडत असल्याने पाटण, कराड, वाई, सातारा, जावली, महाबळेश्वर या तालुक्यातील अनेक भागात पेरणीला वेग आला असल्याने शेतकरी शेतात राबताना पहायला मिळू लागले आहेत.