आ. रोहीत पवार कोल्हापूरला : ‘मी येतोय साहेबांचा संदेश घेऊन’ दाैऱ्यावर, कराडमध्ये म्हणाले…
कराड | ‘मी येतोय साहेबांचा संदेश घेऊन’ या हॅशटॅग ने आमदार रोहित पवार यांनी आजपासून कोल्हापूर दौऱ्याला सुरुवात केली आहे. या दौऱ्यावर जाताना कराड शहरासह ठिकठिकाणी त्याचे स्वागत करण्यात आले.
कोल्हापूर दौऱ्यावर निघालेल्या आमदार रोहित पवारांचे कराडमध्ये दत्त चाैक येथील छत्रपती शिवाजी महाराज पुतळा व कोल्हापूर नाका येथील गांधी पुतळा येथे स्वागत करण्यात आले. यावेळी माजी नगरसेवक साैरभ पाटील, समीर कुडची, संजय पिसाळ यांच्यासह कार्यकर्ते उपस्थित होते.
आमदार रोहित पवार म्हणाले, आम्ही सर्वजण शिव- शाहू- फुले- आंबेडकरांचा पुरोगामी विचार जपलेला. पवार साहेबांचा कार्यकर्ता म्हणून आम्ही कोल्हापूरला चाललो आहे. आदरणीय शरद पवार साहेब सभेला येत आहेत. शरद पवार साहेबांच्या सोबत आणि कार्यकर्ते आहेत मी कार्यकर्ता म्हणून निघालो आहे. कोल्हापूर हे ऐतिहासिक भूमिका भूमी आहे. या सभेला हजारो कोल्हापूरकर येथील असा विश्वास आहे. यावेळी रोहित पवार यांनी मणिपूर प्रश्नांवरून पंतप्रधान बोलले नसल्याने इतरही राज्यातील जनतेमध्ये भीती निर्माण झाली आहे.
