कुडाळ- पाचगणी रोडवर गुटखा पकडला : स्कोडा कारसह 5 लाख 76 हजाराचा मुद्देमाल जप्त
सातारा प्रतिनिधी | वैभव बोडके
कुडाळ- पाचगणी रोडवर अवैध गुटखा व पान मसाला विक्री करण्याच्या उद्देशाने चोरटी वाहतुक करणाऱ्या एका चारचाकी गाडीसह 5 लाख 76 हजार रूपयांचा मुद्देमाल मेढा पोलिसांनी जप्त केला. आकाश प्रकाश मोरे (वय- 32 वर्षे, रा. विराटनगर, अमृतवाडी, ता. वाई) असे ताब्यात घेतलेल्या संशयिताचे नाव आहे.
याबाबतची अधिक माहिती अशी, हुमगाव (ता. जावली) गावचे हद्दीत न्यु इंग्लिश स्कुल व ज्युनियर कॉलेज समोर मेढा पोलिसांनी कारवाई केली. चार चाकी गाडीतील आकाश मोरे याच्या ताब्यातील पांढरे रंगाची ऑक्टावीआ स्कोडा कार क्रमांक (एम. एच. 14. सी. सी. 6161) वाहनाची तपासणी केली असता. त्यामध्ये एकुण 56 हजार रूपयांचा अवैद्य गुटखा आढळुन आल्याने सदरचा अवैद्य प्रतिबंधीत गुटखा व वाहन असा एकुण 5,76,000/- रूपयांचा मुद्देमाल जप्त करण्यात आला. अन्न व सुरक्षा अधिकारी यांचे फिर्यादीवरून मेढा पोलीस ठाणेस गुन्हा दाखल करणेत आला आहे.
सदरची कारवाई पोलीस अधीक्षक समीर शेख, अप्पर पोलीस अधीक्षक श्रीमती आँचल दलाल, वाई उपविभागीय पोलीस अधिकारी बाळासाहेब भालचिम यांचे मार्गदर्शनाखाली मेढा पोलीस ठाणेचे प्रभारी अधिकारी संतोष तासगांवकर, सहाय्यक पोलीस निरीक्षक, पो. हवा. डी. जी. शिंदे, पो. ना. शेख, पो. कॉ/ सनी काळे, निलेश देशमुख, पोलीस पाटील आखाडे, योगेश शिंदे यांनी केली.
