निवडणूक तयारी : कराड उत्तर विधानसभा भाजपा सोशल मीडिया वॉर रूमचे उद्घाटन

कराड | भारतीय जनता पार्टीच्यावतीने राज्यभरातील विधानसभा क्षेत्र निहाय सोशल मीडिया वॉर रूम संघटीत करण्यात आली आहे. या वाँररूमच्या माध्यमातून भारतीय जनता पार्टी निवडणूकीची तयारी करण्यासाठी सज्ज झाली आहे. पक्षाची ध्येय धोरणे लोकांच्या पर्यंत पोहचवणे आणि लोकांची मते आणि समस्या संघटनेपर्यंत पोहोचवण्यासाठी ही वॉररूम सेतूचे काम करणार आहे. या वॉररूमचे उदघाटन उपमुख्यमंत्री देवेंद्र फडणवीस व प्रदेशाध्यक्ष चंद्रशेखर बावनकुळे व इतर मान्यवरांच्या हस्ते आज करण्यात आले.

कराड उत्तर विधानसभा 259 क्षेत्रातील वॉररूम वर्धन हाईटस, ओगलेवाडी रोड सैदापूर (ता. कराड) येथे साकारण्यात आली आहे. याचे लोकार्पण भारतीय स्वातंत्र्याच्या सुवर्ण मोहत्सवी वर्षी करण्यात आले. वॉररूम कार्यान्वित झालेने मतदार संघातील घडामोडींचा अहवाल नियमितपणे पक्ष कार्यालयात पोहचवता येणार आहे. भाजपा पदाधिकारी व ग्रामस्थ उपस्थित होते. या निमित्ताने आता कराड उत्तर विधानसभा निवडणुकीसाठी भाजपाकडून जोरदार तयारीस सुरूवात झाली आहे.

यावेळी भाजपा प्रदेश उपाध्यक्ष विक्रम पावसकर, भाजपा जिल्हा अध्यक्ष धैर्यशील कदम, भाजपा नेते मनोज घोरपडे, कराड उत्तर विधानसभा निवडणूक प्रमुख रामकृष्ण वेताळ, जिल्हा उपाध्यक्ष सुरेश पाटील, कराड तालुका अध्यक्ष महेश कुमार जाधव, पंचायत समिती सदस्य चंद्रकांत मदने, पंचायत समिती सदस्य सुरेश कुंभार, कृषी उत्पन्न बाजार समिती संचालक राजेंद्र चव्हाण, भाजपा जिल्हा सचिव दिपाली ताई खोत, सरचिटणीस शंकरराव शेजवळ, सरचिटणीस शहाजी मोहिते, शरद चव्हाण, बाळासाहेब पोळ, जयसिंग डांगे, अक्षय चव्हाण, नम्रता कुलकर्णी, प्रतिभा कांबळे, वैशाली मांढरे, प्रशात भोसले, वार्ड रूम प्रमुख राहुल वेताळ, कंटेंट रायटर शंकर पाटील, व्हिडिओ एडिटर कनया जेधे, सदस्य शुभम नलवडे, कृष्णत साळुंके आदी टीम उपस्थित होते.